Author Topic: උඳුවප් පොහොය අපට වැදගත් වන්නේ ඇයි ?  (Read 3885 times)

0 Members and 1 Guest are viewing this topic.

Offline Asha_Nanayakkara

  • Kiri-Kodu
  • *
  • Posts: 14
    • View Profile
    • Email
චන්ද්‍ර මාස ක්‍රමය අනුව වසරකට පුර පසළොස්‌වක්‌ පොහෝ දින 12 ක්‌ හෝ 13 ක්‌ එළඹේ. ඒ හැම පොහොයක්‌ම අපට වැදගත් වෙන කරුණු ඇත. වෙසක්‌ පොහොය පවා බුදුරදුන් පිළිබඳ උපත බුදුවීම හා පිරිනිවීම යන කරුණුවලට අමතරව අපේ රටට වැදගත් වෙන කරුණු කිහිපයක්‌ම ඇත. ඒ අනුව උඳුවප් පොහොය අපට වැදගත් වන්නේ ප්‍රධාන කරුණු දෙකක්‌ නිසයි. පළමු වැන්න නම් ශ්‍රී පාද සමය ඇරඹීමයි. ශ්‍රී පාදස්‌ථානය පූජනීය තැනක්‌ වන්නේ බුද්ධත්වයෙන් අටවන අවුරුද්දෙහි බුදුරදුන් කැලණියට වැඩම කළ අවස්‌ථාවේ සමනළ කඳු මුදුනෙහි උන්වහන්සේගේ ශ්‍රී පාද ලාංඡනය පිහිටුවීම නිසයි. ඈත අතීතයේ පටන් උඳුවප්පුර පසළොස්‌වකින් ඇරඹෙන ශ්‍රී පාද වන්දනා සමය ඊළඟ වසරේ වෙසක්‌ පොහොය දක්‌වා පවතී. මෙම වන්දනාව නිසාම තුන් සරණය වැනි ජන හදවත් තුළ නිතර රැව් දෙන ග්‍රන්ථ පවා සම්පාදනය වී ඇත. ශ්‍රී පාද වන්දනාවත් සමඟ මිනිසුන් තුළ බුදු බැතිය වැඩීමත් තෘෂ්ණාව වෛරය වැනි කෙළෙස්‌ අඩුවීමත් සිදුවෙයි. එබැවින් එම වන්දනා සමය ඇරඹෙන උඳුවප් පොහොය ආගමික මෙන්ම ජාතික හා සංස්‌කෘතික වශයෙන් ද අපට වැදගත් වෙයි.

සඟමිත් මහ රහත් මෙහෙණින් වහන්සේ බුද්ධගයාවේ ජය සිරිමා බෝ සමිඳුන්ගේ ශාකාවක්‌ වැඩමවා ගෙන අප රටට පැමිණියේ මීට වසර 2318 කට පෙර උඳුවප් පුර පෑළවිය දින බව වංශ කතාවලට අනුව පැහැදිලි වේ. යාපා පටුනේ දඹකොළ පටුන වරායට පැමිණි එතුමිය ඇතුළු පිරිස පිළිගත්තේ එදා අප රටේ නායකයා වූ දෙවනපෑතිස්‌ මහ රජතුමන්ය. එතුමා එහිදී මුළු රටම ජය ශ්‍රී මහා බෝධීන් වහන්සේට පූජා කළේය. එහි සිට මග තොට පුද පූජා පවත්වමින් අනුරාධපුරයට වැඩමවා ගෙන ආ ශ්‍රී මහා බෝධි ශාකාව අනුරාධපුර උඩමළුවෙහි රෝපණය කරනු ලැබුවේ උඳුවප් පුර පසළොස්‌වක්‌ පොහෝදාය. එදා පටන් අප රටෙහි ජනතාව ජීවමාන බුදුරජාණන් වහන්සේ වැඩ සිටින්නාක්‌ මෙන් සලකා අනුරාධපුර ජය ශ්‍රී මහා බෝධීන් වහන්සේ වැඳ පුදා ගැනීමට ආශිර්වාද ලබා ගැනීමට යාම මහත් බැතියෙන් කරන දෙයකි. බෝධීන් වහන්සේ නිසා අප රට තුළ බෝධි සාහිත්‍යයක්‌ ද බිහිවුණි. සංස්‌කෘතිකමය වශයෙන් වැදගත් වන සිරිත් විරිත් ද ඇති විය. එබැවින් ජය ශ්‍රී මහා බෝධීන් වහන්සේ අනුරාධපුරයෙහි රෝපණය කළ උඳුවප් පොහෝ දිනය අපට ජාතික ආගමික හා සංස්‌කෘතිකමය වශයෙන් ද අතිශයින්ම වැදගත් දිනයකි. උඳුවප් පොහොයේ මෙම වැදගත් බව වටහා ගෙන කටයුතු කිරීම අත්‍යවශ්‍ය දෙයක්‌ බව මෙහිලා සිහිපත් කරමි.





පූජ්‍ය බෙංගමුවේ නාලක හිමි
Divaina 10-12-2011