Author Topic: සිංහල මතක බැරිවෙලා  (Read 3382 times)

0 Members and 1 Guest are viewing this topic.

Offline Asha Nanayakkara

  • බඩපිස්සෝ BadaPisso
  • **
  • Posts: 44
  • Gender: Female
    • SINHALAYA.COM
සිංහල මතක බැරිවෙලා
« on: September 11, 2011, 06:43:24 PM »
Advertisement
ලන්ඩන් හෑගොඩයාගේ කොලම
සිංහල මතක බැරිවෙලා


අයියෝ ......... නයා කියන්නෙ පොළඟගෙ බ්‍රදර්ද මෙයා·

දැනට මාස දෙක තුනකට ඉස්‌සෙල්ලා ලංකාවට ගිය වෙලාවෙ ලන්ඩනයෙන් ගුවන් යානයට නැගලා සපත්තු දෙකත් ගලවල දාලා හිතත් ලංකාව පැත්තට හරවාගෙන ඉන්න වෙලාවෙ අපූරු දෙබසක්‌ ඇහුණා. "නැඟණිය දැන් ගුවන් යානය පිටත්වන්නයි යන්නේ. අර කවුළුවෙන් පිටත නරඹන්න". මගේ ශීර්ෂය ගුවන් යානයේ සිවිලිම මත ගැටුණා.

(මගේ ඔළුව ප්ලේන් එකේ සීලිමේ වැදුණා) බැලුවහම මට එහා ආසනයේ ඉන්නා වයස අවුරුදු 10-12 අතරේ අයිය කෙනකුයි නංගියෙකුයි සිංහලෙන් කතා කරනව.

සිංහලෙන් කිව්වට සිංහලෙන් නෙමෙයි. අමු හිංගලෙන්. ඒ දෙන්නා ඇඳලා හිටියෙත් ජාතික ඇඳුමයි, ළමා සාරියයි. ඒත් එක්‌කම එතැනින් යන්න ගිය ගුවන් සේවිකාව දිහා බලල අර දැරිවි කතා කළා "නැන්දෙ" කියල "මේ මොකද බොලේ මේ" කියන්න වගේ ගුවන් සේවිකාව ළමයි දිහා බැලුව. මට හරි සන්තෝස හිතුන ඒ ළමයි දෙන්න ගැන. එයාලගෙ අම්ම කියල හිතන්න පුළුවන් මැදිවියේ කාන්තාවක්‌ අනිත් ආසනයේ ඉංගී්‍රසි පොතක්‌ කියව කියව හිටිය. මම අසරණ වෙලා වගේ වටපිට බලන කොට මගෙ ළඟ යාබද අසුනෙ පුද්ගලය කිව්ව ඔය අර අහවලාගෙ දරුවොනෙ" කියල. ඒ ළමයින්ට ඉංගී්‍රසි තහනම්. බස සිංහල තමයි උගන්නල තියෙන්නෙ. කොහොම වුණත් මොන සිංහල හරි කතා කරනවනෙ. මගෙ ළමයි දෙන්නත් සිංහල භාෂාව දෙතුන් විදිහයකට කතා කරනව නේද කියල මගෙන් ඇහුවෙ ඒගොල්ලන්ට සිංහල තේරුම් යන කාලෙ. ඒ සාමාන්‍ය සිංහල ව්‍යවහාරයයි, ටී. වී. ගුවන් විදුලි ව්‍යවහාරයෙහි වෙනස දැනිල. බොහෝ වේලාවට පිටරටවල හැදුණු ළමයිනට අපේ රූපවාහිනි වාද විවාද ප්‍රවෘත්ති ආදිය තේරුම් ගන්න අමාරුයි.

මෙහෙ ඉපදුනු ළමයි සිංහලෙන් කතා කරන්න ඉගෙන ගන්න පන්තිත් යනව. දවසක්‌ එහෙම පන්තියක ළමයිනට නන්දා මාලිනියගේ මල් කියන්නෙ කාට කාට - ළමයින්ටයි පාට පාට කියන ගීතය ඉංගී්‍රසියෙන් ලියල දීල. ළමයි නටන ගමන් සින්දුව කියනව. "මල් කියන්නෙ කටා කටා. ළමයින්ටයි පටා පටා " කියල. (Mal kiyanne kata kata. Lamayintayi pata pata )

කොහොම වුණත් සිංහල භාෂාව පිළිබඳව උනන්දුව දක්‌වන අය බොහෝ දෙනෙක්‌ ඉන්නව. නොයෙක්‌ ආකාරයෙන් පන්ති පවත්වගෙන සිංහල උගන්නන්න උත්සාහ කරනව. මෙහෙ තියෙන ලංකාවෙ හැම පන්සලකම වගේ සිංහල පන්ති පවත්වනව. ඒ අතරේ මෙහෙට එන සමහරු සිංහල නොදන්න බව පෙන්වල ලකුණු දාගන්නත් හදනව.

දවසක්‌ ලන්ඩනයේ තිබුණු ශ්‍රී ලාංකික සංගීත ප්‍රසංගයකදී වෙච්ච දෙයක්‌ මට මතක්‌ වෙනව. ශ්‍රී ලංකාවෙ ගායක ගායිකාවෝ බොහොමයක්‌ සංගීත සංදර්ශන පවත්වන්න ලන්ඩනයට එනව. ලන්ඩනයේ ඉන්න බොහෝ දෙනෙක්‌ මේවාට සහභාගී වෙලා ලංකාවෙ ඉන්දැද්දී අගය කළ ගීත අහල සතුටු වෙනව. මෙහෙම තැන්වලදී සමහර යාළුවොත් කාලෙකට පස්‌සෙ හම්බු වෙනව. ඒ වගේ සංදර්ශනයකදී අපේ මිතුරියකට ඇගේ පාසල් සමයෙ යෙහෙළියක්‌ මුණගැහිල. දෙන්නම කොළඹ පැත්තෙ උසස්‌ බෞද්ධ විද්‍යාලයක ආදි ශිෂ්‍යයාවො. ගීතා නම් වූ මේ මිතුරිය දුවගෙන ඇවිල්ල ඇහුවලු අපේ මිතුරියගෙන් "ආ යූ ලලනි" කියල. ලලනි එයා අඳුනගෙන සිංහලෙන් උත්තර දුන්නහම ගීත කිව්වලු "හානේ මයි ගෝඩ් ලලනි ඔයාව දැන් දැක්‌කෙ මන්නේ කියල. මේ කතාවට ලලනි හොල්මන් වෙලා. හිනායන්නත් ඇවිල්ල නවත්තගෙන තියෙන්නෙ බොහොම අමාරුවෙන්. ලලනිත් අමාරුකාරියෙක්‌ නිසා ගීතට ලෙහෙසියෙන් පැනල යන්න දෙන්න හොඳ නැහැ කියල හිතල හිනාව තද කරගෙනම කිව්වලු "අනේ ගීතා ඔයාගෙ සිංහල මට තේරුණේ නැහැ කියල" ඒ පාර ගීතා ඇඟට පතට නොදැනී වගේ කිව්වලු" ඔව් අනේ මට දැන් සිංහල මතක බැරිවේගෙන යනවා" කියල. ලලනි ඇහැව්වා. "හැබෑට ගීතා එහෙනම් ඔයා හුඟක්‌ කල් වෙන්න ඇති එංගලන්තෙට ඇවිල්ල" ගීතා ගත්කටටම කිව්වලු "ඔව් අනේ දැන් අවුරුද්දක්‌ වෙන්නත් ආවනේ". ලලනිට හිනා ගිය පාරට විවේකයේදී කන්න ගත්ත පැටිස්‌ කෑල්ලක්‌ කටේ තිබිල හිස්‌ මොල්ලෙත් ගියාලු.

මේවා ප්‍රබන්ධ විදිහට සලකන්න පුළුවන්. ඒත් සිංහල විතරක්‌ නෙමෙයි සිංහල කෑමත් මතක බැරි වේගෙන යන අය මෙහෙ ඉන්නව.

ලංකාවට ගිහිල්ල එන අය විශේෂ කෑම ජාති හදාගෙන ඇවිල්ල යහළු මිත්‍රාදීන්ටත් දීල රස කර කර කනව. හිටි ගමන් පොළොස්‌, අඹරැල්ල, දෙල් ආදිය ගෙඩි පිටින්ම අරගෙන එනව. අලුත් පිටම කන්න බලාගෙන. මගේ නීති විද්‍යාලයේ මිත්‍රයෙක්‌ වන නලින් දිසානායක ලංකාවෙ ඉඳන් එද්දී දෙල් ගෙඩි දෙකක්‌ උස්‌සන් ඇවිත් බෑග් එකෙන් එළියට ගන්න කොට එතන ළමයෙක්‌ ඇහැව්වලු "මේ ලිට්‌ල් ජැක්‌ fපෘට්‌ ද" කියල (මේ පුංචි කොස්‌ ද කියල) ඒක අර දෙල් දැකල කොළඹ උසස්‌ බාලිකා විද්‍යාලය ගෑනු ළමයෙක්‌.

"අයියෝ මෙයා මේවද මේ දෙල් කියන්නෙ "කියල අහපු කතාවටත් හපන් කතාවක්‌. ඒ විදුහලේම ළමයෙක්‌ තමයි ඇහුව කියල කියන්නෙ "මේ අයියෝ නයා කියන්නෙ පොළඟගෙ බ්‍රදර් ද ආ......" කියල.

දවසක්‌ ලන්ඩනයේ පන්සලක හීල් දානෙ වෙලාවේ ඉඳිආප්ප දැකල ලංකාවෙ ගෑනු කෙනෙක්‌ ඇහුවලු "මොනවද මේ රැලි රැලි තින්ග්ස්‌" කියල. පිට්‌ටු බානව දැකල ඇහුවලු මෙහෙමද අයියෝ පිට්‌ටු කුක්‌ කරන්නෙ කියල. අනේ අපි නං පුංචි කාලෙ ඉඳලම බඩ පැලෙන්න රැලි රැලි තිංග්ස්‌ කාලා තියෙනව. අම්ම පිට්‌ටු බානකං කුස්‌සියෙ බංකුව උඩටවෙලා බලාගෙන ඉඳල තියෙනව.

දැන් වගේ නෙමෙයි එංගලන්තෙ අවුරුදු පනහකට හැටකට කලින්. ඒ කාලෙ නැවෙන් එංගලන්තෙට එන සිංහලයො එහෙදි අතරමං වෙනව. සිංහලෙන් කතා කරන්න කෙනෙක්‌ නෑ. සිංහල වචනයක්‌ ඇහෙන්නෙ නෑ. සිංහල අකුරක්‌ කියවන්න ලැබෙන්නෙ ගෙදරින් එවන ලියුමකින් විතරයි. ඒ සිංහලයා අවුරුදු ගණනාවකට පස්‌සෙ. සුද්දාවෙලා තමයි නවතින්නෙ. එංගලන්තෙට ගිය රාජකාරිය ඉවර කරල ආපහු මාසයක්‌ නැවක ගමන් කරල ලංකාවට සේන්දු වෙනව. එහෙම ලංකාවට නැවත ආපු මිනිහ කතා කරන විදිහත් හිතන විදිහත් හැසිරෙන විදිහත් සුද්ද වගේ වුණාට පාට වෙනස්‌වෙලා නැති හින්ද මෙයාට කළුසුද්ද කියල කියනව. දේශප්‍රේමීන් මෙයාට කළු සුද්ද කියන්නෙ අවඥවෙන් වුණාට ගමේ ගොඩේ අය සුද්ද වගේ කියන්නෙ ගෞරවයෙන්.

ටික කාලෙකට එංගලන්තෙට ඇවිල්ල ලංකාවට යන සමහර අය උරේ උස්‌සල ඉංගී්‍රසි ඇක්‌සන්ට්‌ එකක්‌ දාල අපේ අහිංසකයන්ව කඩුවෙන් කපන්න හදන එක මට නම් පුදුමයක්‌ නෑ. ඒත් චීනෙ හරි ජපානෙ හරි කාලයක්‌ ඉඳල එන අය ඒ රටවල්වල භාෂාවලින් ඇක්‌සන්a එක දාන්නෙ නැත්තෙ ඇයි කියන එක තමයි මට ප්‍රශ්නෙ.

කොහොම වුණත් දැන් පැය දහයකින් ලන්ඩන් යන්න පුළුවන්. එහෙ නිතර මගතොටේදිත් සිංහල අය මුණගැහෙනව. සිංහල පන්සල් තියෙනවා. සිංහල පන්ති තියෙනවා. සමිති සමාගම් තියෙනවා. දයා ආනන්ද රණසිංහ සිංහල පත්තරේකුත් ගහනවා. ලංකාවෙ සිංහල පුවත්පත් පහුවදාම ගන්නත් තියෙනවා. කන පැලෙන කල් දුරකතනයෙන් කතා කරන්නත් පුළුවන්. ස්‌කයිප් එන්නත් පුළුවන්.

එහෙව් එකේ දැන්නම් මෙහෙ ඇවිල්ලා යනකොට සිංහල මතක බැරි වෙන්නේ අම්මා අප්පා අමතක අයට මිසක්‌ වෙන කාටද?





නීතිඥ අනුර හෑගොඩ
දිවයින 11-09-2011



Offline araliyamala

  • ලොකු ලමයි LokuLamai
  • ****
  • Posts: 305
  • Gender: Female
  • අවංක හිනාව තරම් වටිනා තෑග්ගක් තවත් නැත.....
Re: සිංහල මතක බැරිවෙලා
« Reply #1 on: September 12, 2011, 12:46:27 AM »
මසුරන් වටින කියමන් ටිකක්.සහතික ඇත්ත කථාව.මේ වගේ සිද්ධි හිසේ කෙස් ගානට දකින අපි අහන් ඉන්නෙ හරි අමාරුවෙන් නිසාම  මටත් මෙහෙම හරි පොඩ්ඩක් ලියන්න හිතුනා.ඉංගිරිසිය කියන්නෙ මුළු ජීවිතයම කියලා හිතන් ඉන්න අපේ සමහරු නොදන්න ඉංගිරිසි කත කරන්න ගිහින් අමාරුවෙ වැටෙන අවස්ථා ද එමටය.මේ කථාව කිය වූ මට මීට දින කීපයකට පෙර ඇසුනු එවැනි කථාවක් සිහි විය.

           පසු ගිය සතියේ දිනක මම මෙහි සිටින මගේ මිතුරු පවුලක් හමුවීමට ගිය අවස්ථවේ එම නිවසේ කාන්තාවට දුරකථන ඇමතුමක් ලැබින.දුරකථනයට සවන් දුන් ඇය එක්වරම ඔයා සිංහල නේද අනේ දන්න සිංහලෙන් කථා කරන්න යැයි පැවසීය.අපි එකිනෙකා මුහුනට මහුන බලා ගත්තෙ උනේ මොකක්ද කියල හිතා ගන්න බැරිව.දුර කථනය තැබූ ඇය අපිට පැවසුවේ "මේ සිංහල කාන්තාවක් අනේ හොදටම මම සිංහල කියල දන්නව ඔයා  කවුද කොහේ ඉඳන්ද කත කරන්නෙ කියල අහුවාම මි කුමරි මි ෆුජෙරා යැයි පැවසූ බවත් නොදන්න ඉංගිරිසි කථා කරන්නෙ අපි සිංහල බව දැන දැනත් යැයි කෝපයෙන් පැවසීය"

   උපන්දා සිට සිංහල කථා කරන අපිට සිංහල අවුරුදු කීපයකින් අමතක වෙනවානම් එය අම්මා,තත්තා අමතක කිරීමක් බව නම් සැබෑය.

.......මුතූ...... 




muthu
Don't troubles to trouble till trouble troubles you.

         araliyamala(muthu)

Offline w乇乃ᄊム丂イ乇尺

  • Administrator
  • ෆැන්ටසි රාළ FNLeader
  • *****
  • Posts: 986
  • Gender: Male
  • My sTyLe FoR My PeOpLe,,, & My CoUnTrY..,
    • SINHALAYA WORLDWIDE®
හිංගලයො වෙයල්ලා.. නම්බුයි ඒක..
« Reply #2 on: September 12, 2011, 02:26:05 AM »
මේකයි..

"තමන්ගෙ රට, ඉතිහාසය, භාෂාව, සංස්කෘතිය ගැන වැටහීමක් නැති නූගත් මිනිස්සු පිටරටවලට ගියාම, ඒ ඒ රටවල් වල දේවල් කෙලින් ම තම තමන්ගෙ ජීවිත වලට ආදේශ කර ගන්නව,, ඕකට මං කියන්නෙ සංස්කෘතික අවජාතකත්වය කියල..

"යම් තැනක රික්තයක් (හිඩැසක්) තියෙනව නම් ඒක කොහොම හරි පිරෙන්න ඕනෑ.. ඒ වගේම තමයි දේශීය චින්තනයක් නැති මේ නූගත් මොල වලට පිරෙන්නෙ අර දහ ජරා සංස්කෘතීන්.." දේශීය චින්තයෙන් සහ දැනුමින් පරිපූර්ණ වෙච්චි එකා ලෝකෙ කොහේ ගියත් හිංගලයෙක්.. අන්න ඒකයි අනන්‍යතාවය.. ඒක අපිට විතරක් නෙමේ, දෙමල මුස්ලිම්, ජපන්, චීන, උස්බෙකිස්ථාන්, බලුකිස්ථන් හැම මනුස්සයටම අදාල වෙන දෙයක්..

අපි කොහේ ගියත් අපි අපිමයි,, අපි එංගලන්තෙ, ඕස්ට්‍රේලියාවෙ, ප්‍රංශෙ, ඇමරිකාවෙ ගියාට අපි සුද්දො වෙන්නෙ නෑ.. අපි මැරෙන්නෙ ලාංකිකයො විදිහට.. අනික ඒ රටවල උං අපිව උංගෙ සමාජෙ කියල සියයට සීයක් පිලිගන්නෙත් නෑ.. පේනවනෙ අර මයිකල් ජැක්සන්...? හම සුදු කරගත්තත්, අන්තිමට මළේ කල්ලෙක් විදිහට,,, ඇමරිකානු සමාජය ඌව සුද්දෙක් විදිහට පිලිගත්තෙ නෑ හම සුදු කර ගත්ත කියල..

ඕව මොනද අප්පා..
මේ ලඟදි මගේ හොඳම යාළුවෙක් එංගලන්තෙ අර "විලියම්-කේට්" මගුල බලන්ඩ ගිහින් පොර කකා, ඒකෙ පොටෝ දාල මූනුපොතේ.. මං ඉතින් එයැයිට කියැව්ව "උඹල මේ නාස්තිකර ගමනක්නෙ ගිහින් තියෙන්නෙ, විලියම් කේට් මගුල කියන්නෙ මේ ලෝකෙ කලකණ්නිම මගුල... රටේ ජනතාවගෙ මුදලින් මගුල් කනව,, ඒ වගේමයි විලියම්-කේට්ගෙ මගුලෙන් අපිට ඇති පලේ මොකදෑ..? අපි සුද්දගෙං නිදහස් වෙලා දැං කොච්චර කල්ද? තාමත් එංගලන්තෙ මුස්පේන්තු පරයින්ගෙ මගුල් අපේ මගුල් කොරගෙන..." කියල..

හප්පේ... බලන්ට එපායැ මට පෙන්නාපු රස්නෙ තරම.. මං හිතුව ඒත් මේ කේට්ගෙ හරි විලියම්ගෙ හරි දුර නෑයෙක් දෝ මන්ද කියාල..

තවපාරක්, මං දන්න අඳුනන තවත් මිතුරියක් ලන්ඩනයෙ කෞතුකාගරෙක තිබ්බ "එලිසබෙත් මහා රාජිණීන් වහ්න්සෙගෙ" ඉටි පිලිමයක් ලඟ හරි උජාරුවට පොටෝ එකක් අරන් මූනු පොතේ දාල.. (ලන්ඩන් කෞතුකාගාරෙ කියන්නෙ අපේ රටෙන් හොරකම් කොරාපු පුරාවස්තු ගොඩක් තියෙන තැනක්..) ඒ වගේ එකක් ලඟ පොටෝ එකක් ගත්ත නං කමක් නෑ.. ඒත් අර පට්ට ගෑනි එක්කල....?

මං ඒත් ඇහුව... "ඔය පට්ට ගෑනි එක්ක පොටෝ ගන්ට මොකට ගියාද ........ ?" කියාල.. ඒ සහෝදරිත් මා එක්ක තරහ වෙලා පලච්චි දැං.. මේ අපි අපි නිසා නෙමේ.. අර කොහෙවත් ඉන්න වැඩකට නැති කාලකණ්නි මැහැල්ලක් නිසා..( අපේ ආච්චි කෙනෙක් නං කය්යක්, ගාථාවක් හරි දන්නව.. මුං එහෙමෙයි?)

අර අනගාරික ධර්මපාල තුමා කියැව්වෙ ඇත්ත..
"කවදාක හරි සුද්දො මේ රට දාල යයි.. ඒත් උං යන්නෙ කළු සුද්දො රැහැක් බෝ කොරල.."


බැනුම් අහන්ට, ගුටි කන්ට, අවලාද අහන්ට හරි, මේ සටහන පුළුවං තරම් යවපල්ලා.. එකෙක් හරි හැදෙයි.. අනිත් උංට සොරි..


- චන්න ඊ. කටුවාවලගේ




මෙවන් විත්ති බෝහෝමයි..
අපි අපේ අත්දැකීම් විදිහට ඉස්සරහට වෙනම හුයක ඒව පල කොරමු.. මං පටං ගන්නම් ඉස්සරහට..

« Last Edit: September 12, 2011, 02:29:37 AM by w乇乃ᄊム丂イ乇尺® »
I'm on the way..

Offline araliyamala

  • ලොකු ලමයි LokuLamai
  • ****
  • Posts: 305
  • Gender: Female
  • අවංක හිනාව තරම් වටිනා තෑග්ගක් තවත් නැත.....
Re: සිංහල මතක බැරිවෙලා
« Reply #3 on: September 12, 2011, 10:31:01 AM »
"ඇත්ත කියල පැත්තක් ගියත් කමන් නෑ" කියල කථාව්ක් තියෙනවනෙ.ඉතින් කොච්චර අමරුවෙන් හරි මේ පර සුද්දන්ට ගැති කම් කරන කළු සුද්දො බලාවි මේව.ඕනම නම් කියයි ඉරිසියාව නිසා කියනවා කියලා.ඒත් ජාති හිතවාදීව වැලපෙන මේ හඬ එක්ක හැම මොහොතකම අපිත් ඉන්නවා.ඒ වෙනුවෙන් කරන්න පුළුවන් ඕනම දෙයක් කරන්න පොරොන්දු වෙනව.අපේ කම අපේ උන්ට දෙන්න දරන මේ උත්සහයෙ ප්‍රතිඵල අපිට ලැබෙයි සුළුවෙන් හෝ.ඒනිසා හැම තප්පරේම ඒ වෙනුවෙන් අපි දඟලමු.සිංහලයා වෙනුවෙන් සිංහලයා පුවත් කරන මහඟුම සේවය ඒක කියලයි මම නම් දකින්නෙ.ඇත්තටම මෙවන් දේශ හිතවාදියෙක් හැදුව දෙමවුපියන්ට පිං දෙනව අපේ මුළු ජාතිය වෙනුවෙනම."සියක් අයු ලැබ අපෙන් අයු ගෙන බොහෝ කලක් ඔබ ජීවත් වේවා අපේ මවුබිම වෙනුවෙන්"

.......මුතූ....... 


muthu
Don't troubles to trouble till trouble troubles you.

         araliyamala(muthu)