Fantasy Nimnaya (FN) - the root of sinhala cyber poets, discussions, creations, forum and communities

සොඳුරු නිර්මාණකරුවන්ගේ සන්හිඳ - creative writers lounge => ජීවිතය වෙනුවෙන්... | inspiring life => Topic started by: nisansala welipitiya on March 09, 2018, 12:26:46 PM

Title: Me paaren Enna
Post by: nisansala welipitiya on March 09, 2018, 12:26:46 PM
ජිවිතයේ යන්නට සිදුවන සමහර පාරවල් අපි කලින් මේ පාරෙන් යම්මේ යයි නිර්නය කරගත් ඒවා නොවේ.. සමහර පාරවල් කෙදිනකවත් මේ පාරෙන් නම් යන්නෙම නැතයි අපි කලින් සිත සිටි පාරවල්ය . නමුත් සමහර අවස්ථාවල අපි සැලසුම් කර පාරෙන් නොව ජීවිතය විසින් අපට යන්නට යයි තොර දෙන පාරය - කැමැත්තෙන්  හෝ අකමැත්තෙන් යාමට සිදුවන පාරය - අප්පියෝගෝ සම්පයෝගේ දුක්කෝ මෙන් ඒ පාරද අපට කටුක හා වේදනාත්මක අත්දැකීම් ලබා දෙන්නක් විය හැකිය. නුහුරු බව, යාමට ඇති අකමැත්ත, කටුක බව, තනිකම, අසරණ කම මේ ආදී දේවල් ගණනාවක් අපව රිදවන්නට ඒ පාර දෙපැත්තට වී පෙරමග බලා සිටිනවා නියතය. නමුත් අෂ්ට ලෝක ධර්මය හා කර්මය  අවබෝධයෙන් මුලදී වේදනාවෙන් හෝ අකමැත්තෙන් වුවද තමන් ඉදිරියේ මේ යන්නට ඇති පාර කෙසේ හෝ යන්නේ යයි කියා අදිෂ්ටනයෙන් උත්සාහයෙන් පියවර තබා ගමන් කරන්නේ නම් ඒ පාරේ යනවිට වැටෙන කඳුලක්, දහදිය බිදක් පවා යනෙන ගමනට ආශීර්වාදයක් වනු ඇත. කඳුල සමග සිනහෙන්නට හැකිනම් කඳුල හතුරෙකු නොව මිතුරෙකු ලෙස දැකිය හැකිනම් ඒ කටුක මාර්ගය දිනක දුකට නොව සතුටට කදුලින් තෙමෙනු ඇත . අකමැති පාරෙන් යන්න හිත හදා ගන්නා තැනැත්තා වේදනාව දැරීමට නිරායාසයෙන්ම හුරු වෙන්නේ එය ජිවිතයේ අතිශය සාමාන්‍ය අත්දැකීමක් කරගෙනය - ඉන් ඉදිරියට වේදනාව එකී පුද්ගලයා පසුබට කිරීමට නොව දිරිමත් කිරීමට හේතුවක් වනු ඇත . යන මග තනි වුවාට කමක් නැත - මන්ද උපදින්නට මෙන්ම මියෙන්නටද අප සමග කිසිවෙකුත් තනියට අවේද, එන්නේද නැති නිසාය.